(( وجعلنا من الماء كل شي حياً ))

صحيفة الشرق البغدادية الدولية تضع قصيدة ((و جعلنا من الماء)) طليعة صفحة (أدب شعبي) و ذلك في عددها 4094 و الذي سينشر صباح يوم غد الاثنين الموافق 28\8\2023

بقلم الاستاذ مهند عبد الحسين رئيس مؤسسة البسمة للثقافة و الاعلام .

كما ان الشكر موصول للزميلة الفاضلة حنان أمين و كادر جريدة الشرق المحترمة .

نص القصيدة ::

ربك من الماء خالق كل وجود

وانت وي كل ماء لازم تنذكر

المواقف بالبشر تبقه وتدوم

وانت زلمك سجلت بالطف ذكر

صورة من لحظات جانت انتصار

ورسمت حسينك شنو وشنهو الشمر

نحرك المرفوع ظل ينزف رجال

وربعك ابطال الصدك ضحت نحر

يا صريع الدين وحدك والبقاء

وبسمك الاسلام سجل هالنصر

فرحة المهموم يم كبرك تزيد

وكلشي عنده يزول من هم وعسر

يا ملاذ لكل شخص ماله ملاذ

وياسفينه اشيل الانصار بكثر

عبره درسك للاخذ درس اعتبار

وعبره تبقه ودوم لحبابك تدر

خطك المعروف خط دين وامام

وما يفيده الي ترك خطك عذر

يا صلاة وصوم والحجة وزكاة

يا شهيد بموقفك حل اليسر

قصة للكون احتوت قصة فداك

وما نملها بيوم كلنه وتنذكر

بيها مكتوب الحدث بالدم شهيد

والسيوف هناك رفعوها بغدر

و كل بلاء وكر في كربلاء

ما محه لذكرك ولا فسحة شبر

يا بيان الجان من عند الالاه

وانقره باسلوب نبرة منتصر

انت علمت البشر معنى الفداء

وحررت الارواح من ظلم الاسر